Бишкек шаарында, Курманжан датканын эстелигинин алдындагы аллеяда, Корея Республикасынын Кыргызстандагы элчилиги жана Бишкек шаардык мэриясынын колдоосу менен жыл сайын өткөрүлүүчү кимчи фестивалы болуп өттү.

Мэрия маалымдагандай, иш-чарага Бишкек шаарынын вице-мэри Виктория Мозгачёва, Корея элчиси Ким Кванджэ мырза, ошондой эле Кыргызстандагы корейлер ассоциациясынын өкүлдөрү катышты.

Фестиваль коноктор үчүн түрдүү иш-чаралар менен коштолду:

— корей тамак-ашы, косметикасы жана улуттук кийимдери сатылган жарманке,

— кимчи жасоо боюнча мастер-класс,

— студенттердин салттуу жана K-pop бийлери,

Ал эми майрамдын соңунда катышуучулар кимчиден даам сызуу мүмкүнчүлүгүнө ээ болушту.