Бишкек шаардык мэриясы билдиргендей, 27-октябрда саат 10:00дөн 19:00гө чейин борбордун айрым аймактарында суу берүү убактылуу токтотулат.

Суу төмөнкү аймактарда болбойт:

• Ч.Айтматов проспектиси – Айни көчөсү – Водопроводная көчөсү – Сухомлинов көчөсү – Целинная көчөсү – Политехническая көчөсү – Таш-Көмүр көчөсү менен чектешкен аймактар;
• Эски аэропорт аймагы жана Ак-Кеме мейманканасынын тегереги.

Мэриянын маалыматына караганда, суу берүү диаметри 300 мм болгон магистралдык суу түтүгүн оңдоо иштерине байланыштуу токтотулат.

Шаар бийлиги жарандардан убактылуу ыңгайсыздыктар үчүн кечирим сурап, ичүүчү сууну алдын ала камдап алууну эскертет.