Муниципалдык бала бакчалардын иштөө тартиби өзгөрүп, эми эртең менен саат 8:00дөн баштап 18:00гө чейин иштейт. Бул тууралуу мэрия маалымдады.

Маалыматка ылайык, жаңы тартип быйыл май айында Министрлер кабинети бекиткен мамлекеттик стандартка ылайык киргизилди.

Буга чейин бала бакчалар 07:30дан 18:30га чейин иштеп келген.

Социалдык түйүндөрдө ата-энелер жаңы графикке нааразычылык билдирүүдө. Алардын айтымында, иш күнү 09:00дө башталып, 18:00дө аяктагандыктан, балдарын убагында жеткирүү жана алып кетүү кыйынга турат.