Бишкек шаарында 28-мартта болгон катуу шамал 16 млн 749,9 миң сом чыгым алып келди. Бул тууралуу мэриядан билдиришти.

Бишкектеги ылдамдыгы секундасына 18-26 метрге жеткен катуу шамалдан 10 киши жабыркаган. 144 бак кулап, 13 унаа жабыркаган.

Ошондой эле 101 объекттин, анын ичинде 37 социалдык, 54 турак үйдүн жана башка объекттердин чатыры бузулган.

4 тилкеде троллейбустун зымдары, 10 жерде сырткы жарык берүү линиялары үзүлгөн.

Катуу шамалдан улам 28-мартта Бишкекте киргизилген өзгөчө кырдаал 4-апрелде алынды.