Бишкек шаарынын мэри Айбек Жунушалиев «Кабар» агенттигине берген маегинде, шаардык таштанды кайра иштетүүчү завод буга чейин 49 миң тонна катуу тиричилик калдыктарын зыянсыздандырганын (утилизациялаганын) билдирди. Калаа башчысы ишкананын ишке кириши акыркы убактагы маанилүү жетишкендиктердин бири болгонун белгиледи.

Завод толугу менен долбоорго 95 миллион доллар жумшаган жеке инвестордун эсебинен курулган. Ишкананы пайдалануу чогулган таштандынын көлөмүн кыскартууга гана эмес, көп жылдан бери сакталып келген көйгөй — санитардык полигондун түтөшүн азайтууга да мүмкүндүк берет.