Бишкектин борбордук “Ала-Тоо” аянтындагы башкы жаңы жылдык балатынын оттору 14-декабрда жандырылат. Бул тууралуу мэриядан билдиришти.

Иш-чара саат 18:30 башталат. Шаар бийлиги жарандарды балатынын отун жандыруу учурун көрүп кетүүгө чакырат.

“Келгиле, жаңы жылдык майрамдардын башталышын чогуу тосуп алалы! Миңдеген шам чырактар жана уникалдуу жасалгалар менен кооздолгон башкы балаты шаар тургундары үчүн биримдиктин жана кубанычтын символу болот”, – деп айтылат маалыматта.