Бишкектин мэриясында калаа башчысы Айбек Жунушалиевдин темир жолду шаардын четине көчүрүү боюнча жумушчу топтун биринчи жыйыны өттү.

Жыйында China Road And Bridge Corporation in Kyrgyzstan компаниясынын өкүлдөрү темир жолду көчүрүү боюнча бир нече вариантты сунуштаган. Буга чейин өкмөт аталган компания менен Бишкек шаарынын темир жол жана автожол инфратүзүмүн кеңейтүү боюнча кызматташуу меморандумун бекиткен.

“Жыйындын соңунда тиешелүү кызматтарга мамлекеттик органдардын пикирлерин изилдеп, долбоорду ишке ашыруу үчүн керектүү иш-чаралар планын даярдоо тапшырылды”, – деп айтылат маалыматта.