Казакстандын борбору Астана шаарында өтүп жаткан спорттук күрөш боюнча Дүйнө чемпионатында кыргызстандык балбан айым Мээрим Жуманазарова финалга чыкты. Бул тууралуу Дене тарбия жана спорт агенттиги билдирди.

Финалдык беттеш бүгүн, 29-октябрда, өтөт. Алтын байге үчүн таймашта Мээрим Жуманазарова кытайлык спортчу Жиа Лонг менен кез келет.

Жуманазарова 68 килограммга чейинки салмак ченинде күч сынашууда. Ал жарым финалдык беттеште монголиялык балбан Энхсайхан Делгерманы 5:1 эсебинде жеңип алган.

Буга чейин Жуманазарова 1/8 финалда индиялык Сришти Сриштини 5:1 эсебинде утуп, чейрек финалда америкалык Алексис Кеннеди Блэйдсти 6:3 эсебинде таза жеңиш (туше) менен артта калтырган.