Быйыл 1-класска кире турган 14 миңдей окуучу бакчалардын имаратында окушу мүмкүн. Бул тууралуу Билим берүү департаментинин башчысы Рахат Мусаева билдирди.
Анын айтымында, быйыл Бишкекте 23 миңдей бала 1-класска, 25 миңдей бала 2-класска алынары болжолдонуп жатат.
«2-класстын окуучуларын мектептерге толугу менен жайгаштыруу пландалууда. Ал эми 1-класстын 9 миң баласы мектептерде, 14 миңи бакча имараттарында окутулат. Бул сан азайышы да мүмкүн», — деди ал.
Ал окуу 35 мүнөттөн болуп, балдар 3-4 сааттан кийин үйүнө кетерин, андан кийин экинчи смена келерин кошумчалады.
