Жети-Өгүз районунда өзүнүн турак жайы жок жетим балага үй куруу үчүн жер тилкеси берилди. Бул тууралуу Башкы прокуратура билдирди.

Райондук прокуратура жүргүзгөн текшерүү учурунда жетим бала В.К.нын турак жайы жок экени жана мыйзамда белгиленген тартипте турак жай менен камсыздалбаганы аныкталган.

Прокуратуранын кийлигишүүсүнөн кийин ага Жети-Өгүз районунун Богатыровка айылынан 600 чарчы метр жер тилкеси бөлүнүп берилди.

Ошондой эле балага жер тилкесине болгон укугун тастыктаган тиешелүү документтер берилди.