Жалал-Абад облусунун Чаткал районунда жайгашкан Ыдырыс-Ата тарыхый-маданий зыярат жайы реконструкцияланат. Учурда эскиздик долбоор иштелип чыкты. Бул тууралуу Курулуш министрлиги билдирди.

Долбоордун алкагында 1 гектар аянтты ээлеген тарыхый объектинин аймагын иретке келтирүү жана инфраструктурасын жакшыртуу каралган. Негизги максат — тарыхый-маданий мурасты сактоо жана зыяратчылар менен туристтер үчүн тийиштүү шарттарды түзүү болуп саналат.

Министирлик учурда эскиздик долбоор белгиленген тартипте тиешелүү макулдашуу жол-жоболорунан өтүп жатат.