Баткен облусунун Лейлек районунун Сай аймагынан Mercedes-Benz унаасы менен 400 кг. жүгөрүнү Тажикстанга мыйзамсыз алып бара жаткан 36 жаштагы кыргызстандык кармалды.
Мындан тышкары Арка аймагынан жүк ташуучу унаасы менен 3,5 тонна лимонду, 3 тонна конфетти мыйзамсыз Тажикстанды көздөй алып бара жаткан кыргыз жараны колго түштү.
Чек ара кызматынын эсеби боюнча, 840 миң сомдук товар болгон. Кармалгандар тиешелүү кызматтарга иликтөө үчүн өткөрүлүп берилген.
