18-октябрдан 23-октябрга чейин Тажикстанда ЖККУнун Ыкчам аракеттенүүчү жамааттык күчтөрүнүн атайын багыттагы түзүмдөрүнүн катышуусунда «Кобальт-2026» атайын машыгуусу өтөт.

Машыгуу ЖККУнун жамааттык коопсуздук тутумунун күчтөрүн жана каражаттарын 2026-жылга биргелешип даярдоо планына ылайык өткөрүлөт.

Маневрлерге ички иштер жана улуттук коопсуздук органдарынын, ички аскерлердин (улуттук гвардиянын), атайын жана баңгизатка каршы кызматтардын атайын бөлүктөрү катышат.

Машыгууга ошондой эле ЖККУнун Ыкчам аракеттенүүчү жамааттык күчтөрүнүн атайын багыттагы күч түзүмдөрүнүн курамына кирген авариялык-куткаруу жана өрт өчүрүү бөлүктөрү да тартылат.