30-сентябрда Жапониянын Айти-Нагоя шаарында өтүп жаткан XX Азия оюндарында кыргызстандык балбан айым Мээрим Жуманазарова кыз-келиндер күрөшүндө коло медалга ээ болду. Ал 68 килограммга чейинки салмак категориясында күч сынашты.

Спортчу алгачкы беттешинде Өзбекстандын өкүлү Фируза Есенбаеваны 8:0 эсебинде жеңип, кийинки баскычка өткөн. Жарым финалда Түндүк Кореянын балбаны Пак Сол Гум менен беттешип, жеңилип калган.

Коло медаль үчүн болгон беттеште Мээрим Жуманазарова Түштүк Кореянын өкүлү Пак Хён Гёнду 8:1 эсебинде жеңип, мелдешти үчүнчү орун менен аяктады.