«Ак-Жол» көзөмөл-өткөрүү пунктунда стоматологиялык имплантаттарды мыйзамсыз алып кирүүгө бөгөт коюлду. Бул тууралуу Салык кызматы билдирди.

Маалыматка ылайык, унааны текшерүү учурунда тиешелүү коштомо документтери жок ар кандай аталыштагы стоматологиялык имплантаттар табылган. Алардын болжолдуу суммасы 1 млн сомдон ашык болгон.

Салык кызматы бул факт боюнча актылар түзүлүп, материалдар юридикалык баа берүү үчүн укук коргоо органдарына өткөрүлүп берилерин кошумчалады.