Ош облусундагы «Достук-автожол» көзөмөл-өткөрүү пунктунун башчысы коррупцияга шектелип кармалды.

УКМКнын маалыматында, аталган башчы өткөрүү пунктунда жасалма кезектерди уюштуруп турган. Ал ортомчулар аркылуу чет өлкөлүк жарандарды чек арадан тоскоолдуксуз өткөрүү үчүн акча алып турган. Мындан тышкары, анын чек ара аймагында кылмыштуу ишмердүүлүк менен алектенген адамдарга колдоо көрсөтүп келгени аныкталган.

Учурда кызмат адамы УКМКнын убактылуу кармоочу жайына киргизилди. Кылмышка тиешеси бар башка кызмат адамдарын аныктоо боюнча тергөө иштери улантылууда.