Чүй облусундагы беш салмак-габариттик көзөмөл бекетинин бир катар кызматкерлери пара алууга шектелип кармалышты. Бул тууралуу Улуттук коопсуздук мамлекеттик комитети (УКМК) билдирди.

Маалыматка ылайык, кармалган кызматкерлер ченемдерди бузган оор жүк ташуучу унааларды тоскоолдуксуз өткөрүү үчүн айдоочулардан акча алып турушканы аныкталган. Мындай аракеттер автоунаалардын көзөмөлсүз өтүшүнө жол ачып, жолдорго жана мамлекетке зыян келтирген.

28-октябрда кызматкерлер кармалып, УКМКнын убактылуу кармоочу жайына киргизилген. Атайын кызмат учурда окуяга катышы бар башка адамдарды жана жагдайларды тактоо боюнча тергөө иш-чаралары жүргүзүлүп жатканын билдирди.