Чүй облусунун Аламүдүн районунун Лебединовка айыл аймагынын мурдагы башчысы кызматтык абалынан кыянаттык менен пайдаланып, көптөгөн жер тилкелерин мыйзамсыз ээлеп алган. Бул тууралуу УКМК билдирди.

Маалыматта айтылгандай, Ч.Б.А. 1992-2012-жылдар аралыгында Лебединовка айыл аймагынын башчысы кызматын ээлеп турган маалда Чүй облусунун Аламүдүн районунун, Ысык-Көл облусунун Ысык-Көл районунун жана Бишкек шаарынын аймагында жайгашкан  жерлерди мыйзамсыз ээлеп алгандыгы аныкталган.

Ыкчам иликтөөнүн натыйжасында жалпы аянты 23 гектардан ашуун жер тилкелери мамлекеттин балансына кайтарылган.