5-сентябрда Тажикстандын төрагалыгы алдында Душанбе шаарында КМШ Экономикалык кеңешинин жыйыны болуп өттү. Бул тууралуу уюмдун интернет-порталында кабарланды.

Иш-чарага Азербайжан, Беларус, Кыргызстан, Өзбекстан, Орусия, Армения, Казакстан жана Түркмөнстандын өкүлдөрү катышты.

Жыйында тараптар илим-технологиялык суверенитетти чыңдоого багытталган 2026–2035-жылдарга карата илим-технологиялык өнүгүү стратегиясын бекитти. Ошондой эле логистиканын эффективдүүлүгүн жогорулатуу максатында КМШнын транспорттук коридорлорун санариптештирүү стратегиясынын долбоору сунушталды.