Бүгүн Хорватиянын Загреб шаарында өтүп жаткан дүйнө чемпионатында грек-рим күрөшү боюнча 60, 72 жана 97 килограммга чейинки салмак категорияларында кыргызстандык балбандар күч сынашат. Бул тууралуу Дене тарбия жана спорт мамлекеттик агенттигинен кабарлашты.

Кыргызстандын атынан:

• Акыл Сулайманов (60 кг) – 1/16 финалда литвалык Юстас Петравичюс менен беттешет.
• Амантур Исмаилов (72 кг) – ирандык Сайед Даниял Сохраби менен күч сынашат.
• Үзүр Жузупбеков (97 кг) – 1/8 финалга чыгуу үчүн египеттик Мохамед Али Габр менен таймашат.