Бүгүн, 5-сентябрда Кыргызстандан футбол боюнча курамасы дүйнө чемпионатына тандап алуу оюндарынын алкагында Иран менен беттеш өткөрөт.
Оюн Ирандагы «Фуладшехр» стадионунда өтүп, Бишкек убактысы боюнча саат 22:00до башталат.
Түз эфир Kyrgyz Sport TV каналынан көрсөтүлөт. Андан тышкары күйөрмандар беттешти Бишкектеги «Ала-Тоо» аянтында орнотулган чоң экрандан көрө алат. Оюн башталганга чейин аянтта шоу-программа уюштурулуп, сынактар өткөрүлөт. Ал саат 20:00до башталат.
Кыргызстандын футбол курамасына кирген оюнчулар:
Дарбазачылар: Эржан Токотаев, Артем Прядкин, Султан Чомоев,
Коргоочулар: Валерий Кичин, Тамирлан Козубаев, Християн Браузман, Александр Мищенко, Сүйүнтбек Мамыралиев, Саид Дациев, Арслан Бекбердинов, Нурбол Бактыбеков, Кайрат Жыргалбек уулу,
Жарым коргоочулар: Алимардон Шүкүров, Элдияр Зарыпбеков, Кай Мерк, Эрмек Кенжебаев, Одилжон Абдурахманов, Эрбол Атабаев, Магамед Узденов,
Чабуулчулар: Кими Мерк, Гүлжигит Алыкулов, Жоел Кожо, Нурдөөлөт Сталбеков, Эрнист Баатырканов.
