Бүгүн, 20-мартта Кыргызстандын футбол курамасы дүйнө чемпионатына тандоо оюндарынын үчүнчү баскычынын алкагында Өзбекстан менен беттеш өткөрөт.

Оюн Ташкентте өтүп, Бишкек убактысы боюнча саат 22:00до башталат. Беттеш УТРК Спорт каналында түз эфирде көрсөтүлөт.

Эскерте кетсек, бул тандоо оюндарында буга чейин Кыргызстан 6 беттеш өткөрдү. Бир жеңишке жетип, 3 упай алган курама өз тайпасында бешинчи орунда турат.

Үчүнчү баскычтын жыйынтыгы менен тайпасында 1-2-орунду ээлеген командалар 2026-жылы өтө турган дүйнө чемпионатына жолдомо алат. 3-4-орунду ээлегендер тандоо оюндарынын төртүнчү баскычына өтөт. Соңку эки орундагы курама жарыштан четтейт.