Кыргызстан 2026-жылдын 10 айында табигый балдын экспортун көбөйттү, ал эми сүт азыктарын экспорттоо кыскарды. Бул тууралуу Суу ресурстары, айыл чарба жана кайра иштетүү өнөр жайы министрлигинин басма сөз кызматы билдирди.

Министрликтин маалыматына ылайык, 2026-жылдын январь айынан октябрь айына чейин өлкөдөн 572,41 тонна табигый бал экспорттолгон. 2025-жылдын ушул эле мезгилинде экспорттун көлөмү 324,74 тоннаны түзгөн. Башкача айтканда, 247,68 тоннага өскөн.

Ал эми 2026-жылдын 10 айында сүт азыктарынын экспорту 33 466,58 тоннаны түздү. Бул 2025-жылдын ушул эле мезгилине салыштырмалуу 1 115,46 тоннага аз.