Кыргызстандын футбол боюнча курамасы дүйнө чемпионатына тандап алуу оюндарынын алкагындагы биринчи беттешинде Иранга 0:1 эсебинде жеңилди.

Беттеш кечээ, 5-сентябрда Ирандагы «Фуладшехр» стадионунда өттү. Оюндагы жалгыз голду ирандык чабуулчу Мехди Тареми 34-мүнөттө киргизди. Ошону менен беттеш аяктаганга чейин эсеп өзгөрбөй, Иран 1:0 эсебинде жеңишке жетти.

Эскерте кетсек, дүйнө чемпионатына тандоо оюндарынын алкагында 10-сентябрда Кыргызстан Өзбекстан менен беттешет. Оюн Бишкекте өтөт.