Кыргыз спортчусу Эрлан Шеров дзюдо боюнча Европа кубогунун коло медалынын ээси болду. Бул тууралуу Дене тарбия жана спорт мамлекеттик агенттиги билдирди.

Мелдеш Испаниянын Малага шаарында өтүп, анда 300дөн ашуун мыкты дзюдочу күч сынашты. Кыргызстандык спортчулар арасынан өлкө намысын Эрлан Шеров (90 кг чейин) жана Эрбол Абасбеков (66 кг чейин) коргоду.

Эрлан Шеров бир нече ийгиликтүү кармаш өткөрүп, жыйынтыгында коло байгеге татыды.

Бул жетишкендик кыргыз дзюдосунун эл аралык аренадагы ийгиликтүү өнүгүп жаткандыгын дагы бир жолу көрсөттү.