Бишкек шаарынын мэри Айбек Жунушалиев учурда ооруканада жаткан шаардык Муниципалдык инспекциянын башчысы Мирлан Таалайбековго (Царикаев) барып, анын абалы менен таанышты.

Шаар башчысы өзүнүн билдирүүсүндө зомбулуктун жана өз билемдиктин бардык түрүнө каршы экенин белгилеп, мындай окуялар мыйзам чегинде гана чечилиши керектигин баса белгиледи.

“Кандай гана зомбулук болбосун айыпталууга тийиш. Эгер кимдир-бирөөнүн мыйзам бузганы далилденсе, ал сөзсүз жазасын алышы керек”, — деди Бишкек мэри.

Учурда окуя боюнча тиешелүү органдар териштирүү иштерин жүргүзүп жатышат.

Эске салсак, буга чейин Бишкекте Мирлан Таалайбеков белгисиз 4 адам тарабынан ур-токмокко алынган.