Ош шаардык мэриясы менен Европа реконструкциялоо жана өнүктүрүү банкы (ЕРӨБ) шаарга электробустарды алып келүү жана жаңы троллейбус линияларын куруу боюнча келишимге кол коюшту. Бул тууралуу мэриянын басма сөз кызматы билдирди

Документке бүгүн, 17-сентябрда Оштун мэри Жеңишбек Токторбаев менен ЕРӨБдүн өкүлдөрүнүн Бишкек шаарында жолугушунда кол коюлду.

Ошондой эле жолугушууда бир катар маанилүү маселелер талкууланып, шаардын инфраструктурасын өнүктүрүү боюнча сунуштар каралган. Атап айтканда, эстакадалык көпүрөлөрдү куруу, шаарды айланып өтүүчү жолдорду салуу, жылуулук ишканасынын отканаларын оңдоо, “Жашыл шаар” долбоорун ишке ашыруу маселелери талкууланган