Франциянын премьер-министри Себастьен Лекорню кызматтан кетүү боюнча арыз берди. Франциянын президенти Эмманюэль Макрон анын арызын кабыл алды. Бул тууралуу Елисей сарайынын сайтында бүгүн, 6-октябрда, кабарланды.

Белгилей кетсек, Себастьен Лекорню Франциянын премьер-министри болуп Макрон тарабынан 9-сентябрда шайланган. Ал Франциянын тарыхында премьер-министрлик кызматта эң кыска мөөнөттө, 27 күн гана отурган өкмөт башчы болду.

Франциянын BFM TV каналы Себастьен Лекорню кечээ, 5-октябрда, гана өзүнүн өкмөтүнүн мүчөлөрүнүн бир бөлүгүн жарыялаганын, ал эми бүгүн кызматын таштап кетип жатканын билдирди.