Бишкек шаарынын мэриясы борбор калаадагы конуштарда жүргүзүлүп жаткан бузуу иштеринин убактылуу токтотулганын билдирди. Бул чечим президенттин 2022-жылдын 8-апрелиндеги №109 Жарлыгына ылайык кабыл алынган жана жылытуу сезону алдында тургундардын турак жайсыз калуусуна жол бербөө максатында ишке ашырылууда.

Муниципалитет тургундардын коопсуздугун жана ыңгайлуулугун камсыз кылуу үчүн бардык чараларды көрүүдө.

Мэрия шаар тургундарын курулуш жана жер пайдалануу тартибин сактоого чакырат:

• жер тилкелерин өз алдынча ээлебөөгө,
• уруксатсыз жеке турак үйлөрдү курубоого,
• муниципалдык аймактарды мыйзамсыз кеңейтпөөгө.