Илим Карыпбеков дүйнөдөгү эң бийик чокуну – Эверестти (8848,86 м) багындырды. Бул тууралуу ал өзү “Фейсбуктагы” баракчасында билдирип, Эверестте тартылган видеокайрылуусу менен бөлүштү.

Белгилүү болгондой, Карыпбеков 14-майда Эверестке чыгууга аракет кылып, бирок 8350-8400 метр бийиктикке жеткенде, катуу шамалдан улам кайра ылдый түшүүгө аргасыз болгон. Бир нече күн даярдангандан кийин ал дүйнөдөгү эң бийик чокуну багындырууга кайра аттанып чыгып, 23-майдын таңында бул жолку аракети ишке ашкан.

Белгилей кетсек, Илим Карыпбеков Эверестти багындырган төртүнчү кыргызстандык болуп калды. Буга чейин 1997-жылы Дмитрий Греков, 2021-жылы Эдуард Кубатов, 2023-жылы Кадыр Сайдилкан Эверест чокусуна чыккан.