Жума күнү Джакарта шаарындагы бир мектептин мечитинде болгон жарылуудан кеминде 54 адам жаракат алды. Бул тууралуу Reuters басылмасы борбор калаа аймагынын полиция башчысы Асеп Эди Сухериге таянып билдирди.

Анын айтымында, алдын ала маалыматтар боюнча жабыркагандардын саны 54 адамга жетет. Алардын көпчүлүгү ар түрдүү даражадагы жаракат алышкан, айрымдары ооруканада көрсөтүлгөн жардамдан кийин үйлөрүнө чыгарылган.

Сухери белгилегендей, жарылуунун себеби азырынча тактала элек, учурда иликтөө иштери жүрүп жатат.