Шанхайдагы ири туристтик көргөзмөдө Кыргызстандын улуттук павильону ачылды. Салтанатка Туризмди колдоо фондунун вице-президенти Асылбек Алиев жана Кыргызстандын Кытайдагы соода өкүлчүлүгүнүн жетекчиси Жусубали Төрөмаматов катышты.

Иш-чарада туристтик бизнестин жүздөн ашык өкүлдөрүнүн катышуусунда кыргыз-кытай роуд-шоу болду.
Павильонго келгендер улуттук сүрөтчүлөрдүн эмгектери менен таанышып, салттуу үйлөнүү үлпөт кийимдерине суктанып, кыргыздын таттуулары – боорсок менен чайдан даам татышты.