13-июнга караган түнү Израил Иранга бир катар сокку урду. Tasnim агенттигинин маалыматына ылайык, Ислам революциясынын сакчылар корпусунун командачысы Хоссейн Салами, генерал-майор Голам Али Рашид, ошондой эле эки улук өзөктүк илимпоз доктор Тегеранчи жана Ферейдун Аббаси өлтүрүлгөн.

Ynet басылмасы буга чейин Ирандын куралдуу күчтөрүнүн Башкы штабынын башчысы генерал-майор Мохаммад Багеринин кызматтан алынышы мүмкүн экенин билдирген.

Израилдин соккусунан кийин АКШнын мамлекеттик катчысы Марк Рубио Вашингтон операцияга катышпаганын билдирди. Ал кошумчалагандай, Израил АКШга Иранга каршы аракеттери тууралуу кабарлап, муну өзүн-өзү коргоонун зарылчылыгы катары түшүндүргөн.