Бүгүн, 14-октябрда, Нарын шаарында облустук үй-бүлөлүк медицина борборунун имараты пайдаланууга берилди. Объект «Ас-Сафа» кайрымдуулук фондунун колдоосу менен курулган. Бул тууралуу президенттин облустагы ыйгарым укуктуу өкүлчүлүгү билдирди.

Ачылыш аземине президенттин Нарын облусундагы өкүлү Нурбек Сатаров, «Ас-Сафа» кайрымдуулук фондунун негиздөөчүсү Мухаммад Абдуррахман Аль-Шая, фонддун аткаруучу директору Ибрагим Мальсагов жана медицина кызматкерлери катышкан.

Имаратта бейтаптарды кабыл алуу, диагностикалык текшерүүлөрдү жана лабораториялык изилдөөлөрдү жүргүзүү үчүн бөлмөлөр жайгаштырылган. Мекеме жергиликтүү калкка медициналык кызмат көрсөтүүнү жакшыртууга шарт түзөт.