УКМК төрагасы Камчыбек Ташиев Нарын районунда айыл чарба техникаларын тапшырды. Иш-чарадан кийин ал аймактагы айыл өкмөт башчыларын таза иштөөгө чакырды.

«Кимиңерди текшертейин? Өткөндө бирөө “мени текшертиңиз” дегенде “тазасыңбы” десем, “тазамын” деген. Азыр түрмөдө отурат. Баарыңарга эскертип коеюн — таза иштегиле! Колуңар туткак болсо, дүнүйөгө кызыксаңар, жумушту таштап бизнес кылгыла. Эл үчүн иштешиңер керек», — деди Ташиев.

Ал ошондой эле өзүнүн аймактарды кыдыруусун эл иши үчүн акысыз аткарып жатканын белгилеп, жетекчилерди да ошол принцип менен иштөөгө үндөдү.

Мындан тышкары, Ташиев Ак-Талаа районунун жаңы дайындалган акимине жолугуп, октябрдын башында кайрадан районго келерин билдирди.