Казакстандын Арыс шаарындагы аскер бөлүктө болгон жарылууга байланыштуу “Кыргыз темир жолунун”  Бишкек-Москва багытындагы № 17 жүргүнчүлөрдү ташыган поезди токтотулду.  Бул тууралуу Reporter.kg агенттигине аталган  мекеменин басма сөз катчысы Эркин Каимов билдирди.

“Арыс шаарындагы жарылууга байланыштуу дүйшөмбү күнкү каттам токтотулду. 26-июндагы каттамдын  жүрө турганы боюнча кеңешме өткөн соң бүгүн билинет”, – деди Каимов.

Блгилей кетсек,  24-июнда Казакстандын Арыс шаарындагы  курал-жабдык сактоочу кампада жарылуу болуп, шаар тургундары  коопсуз жайга чыгарылган. Кырсыктан 2 адам каза болуп, 30га жакын адам ар кандай жаракат алган. Окуя болгон жерге президент Касым-Жомарт Токаев да барган.