Казакстан картошка, сабиз жана бодо малды экспорттоого тыюу салды. Бул тууралуу Zakon.kz билдирди.

Маалым болгондой, мындай чечим Казакстан Республикасынын Айыл чарба министри менен Каржы министринин 2022-жылдын 10-январындагы биргелешкен буйругу менен кабыл алынган. Тактап айтканда, үч айлык мөөнөткө картошка менен сабизди экспорттоого тыюу салынды. Ошондой эле алты айга бодо малды, кой-эчкилерди сыртка алып чыгууга тыюу салынганы тууралуу айтылды.

Буйрук 22-январдан тарта күчүнө кирет.

«Мал жана жашылчаларды экспорттоого тыюу салуу бааны турукташтыруу жана ички рынокто тартыштыктын пайда болушун жоюу максатында кабыл алынган», — деп айтылат Казакстандын Айыл чарба министрлигинин билдирүүсүндө.