Казакстандын Qazaq Air авиакомпаниясы Астана – Бишкек – Астана багытындагы түз каттам ачууда. Каттамдар ушул жылдын 10-ноябрынан тарта уча баштайт. Бул тууралуу аталган компания билдирди.

Маалыматка ылайык, Астана – Бишкек – Астана каттамдары жумасына 2 жолу: дүйшөмбү жана бейшемби күндөрү учат.

“Бул каттамды ачуу Казакстандын президенти Касым-Жомарт Токаевдин Борбор Азия өлкөлөрүнүн ортосундагы байланышты чыңдоо аркылуу туризмди, сооданы, билим берүү жана маданий программаларды өнүктүрүүгө багытталган стратегиялык демилгесин ишке ашырууга багытталган”,- деп айтылат маалыматта.