Кечээ, 6-октябрда, болгон жер титирөөнүн кесепетинен Жалал-абад жана Талас облустарында турак жайлар жана социалдык объектилер жабыркаган. Бул тууралуу ӨКМ билдирди.

Маалыматка ылайык, жалпы 6 турак үй, 4 мектеп, 1 балдар бакча, 2 ФАПтын имаратынын дубалдарынан майда жаракалар кеткен. Анын ичинен:

• Жалал-Абад облусунун Чаткал районунда 1 мектеп, 1 бала бакча, 6 турак үй жана 2 ФАП жабыркаган.
• Талас облусунун Айтматов районунда 2 мектеп, 1 мептеп-интернат жабыркаган.

Эске сала кетсек, 6-октябрда түнкү саат 02:29да Кыргызстандын аймагында очогунда күчү 6 баллга жеткен жер титирөө болгон.