Кемин райондук ички иштер бөлүмүнө мамлекеттик мекеменин өкүлү шаардын көчөлөрүнүн биринде люктар уурдалып жаткандыгы тууралуу арыз менен кайрылган. Бул тууралуу Чүй облустук ички иштер башкы башкармалыгынын басма сөз кызматы билдирди.

Маалым болгондой, «Ууру» аталышындагы рейддик иш-чаранын жүрүшүндө уурулукка тиешеси бар 39 жаштагы М.Р. жана 59 жаштагы К.К. кармалып, тергөө бөлүмүнө жеткирилген.

Учурда бул эки адамдын башка кылмыштарга катыштыгы бар-жогу текшерилүүдө.