И. Раззаков атындагы Кыргыз мамлекеттик техникалык университетинде Тиричилик химиясынын өнөр жай технологиялары лабораториясы ачылды. Ал Кытайдын «Greenleaf Technology Group» компаниясы менен биргеликте түзүлдү. Бул тууралуу Илим, жогорку билим берүү жана инновациялар министрлиги билдирди.

Жаңы лаборатория илимий изилдөөлөрдү жүргүзүү, технологиялык иштеп чыгууларды жүзөгө ашыруу, студенттердин практикалык даярдыгын күчөтүү жана билим берүү менен өндүрүштүн байланышын өнүктүрүү үчүн маанилүү аянтча болот.

Министрликтин маалыматында, КМТУ менен «Greenleaf Technology Group» компаниясынын кызматташтыгы химиялык технологияларды өнүктүрүүгө, адистерди даярдоого жана илимий иштеп чыгууларды өндүрүшкө киргизүүгө багытталган.