Монополияга каршы жөнгө салуу кызматы Бишкектеги күйүүчү майдын негизги түрлөрүнө болгон учурдагы бааларды жарыялап, аларды аймактагы өлкөлөрдөгү күйүүчү-майлоочу майлардын (КММ) баалары менен салыштырды.

10-августка карата Кыргызстанда дизелдик отундун орточо баасы литрине 99,9 сомду, ал эми суюлтулган углеводород газынын (суюлтулган газ) баасы 48,8 сомду түзөт.

Бишкек шаарында күйүүчү-майлоочу майлардын негизги түрлөрүнүн баасы төмөнкүдөй:

• АИ-92 — литри 86,9 сом;
• АИ-95 — 109,9 сом;
• дизелдик отун — 99,9 сом;
• суюлтулган газ — 48,8 сом.

Монополияга каршы жөнгө салуу кызматынын салыштырмалуу маалыматына ылайык, Кыргызстанда бензин менен дизелдик отундун баасы Казакстанга жана Россияга караганда жогору. Алсак, АИ-92 бензининин бир литри улуттук валютага которгондо Казакстанда 46,6 сом, ал эми Орусияда 75,6 сом турат.

Ошол эле маалда Тажикстанда, Өзбекстанда жана Арменияда күйүүчү майдын айрым түрлөрү Кыргызстанга караганда кымбатыраак.