Кыргызстанда коммерциялык банктардын, алмашуу бюролорунун, микрофинансылык жана микрокредиттик компаниялардын казак теңгеси менен операцияларды жүргүзүүсү боюнча киргизилген айрым чектөөлөр алынды. Тиешелүү токтомду Улуттук банктын Башкармасы 24-августта кабыл алды.

Токтомго ылайык, кыргыз сомуна карата накталай казак теңгесин сатып алуу курсун расмий курстун 70 пайызынан ашпаган өлчөмдө белгилөө боюнча чектөөлөр жоюлду.

Токтом расмий жарыяланган күндөн (27-августтан) тартып күчүнө кирди.