Жээнбек Кулубаев Тышкы иштер министринин милдетин аткаруучу болуп дайындалды. Тиешелүү жарлыкка президент Садыр Жапаров кол койгону тууралуу маалымат өлкө башчынын расмий сайтына жарыяланды.
Ал буга чейин 2021-жылдын август айынан бери президенттин администрациясында тышкы саясат бөлүмүн жетектеп келген.
Өмүр баяны:
Жээнбек Кулубаев 1963-жылы Ысык-Көл облусунда төрөлгөн. Жогорку билимдүү.
Эмгек жолу:
1992-1996-жылдары Тышкы иштер министрлигинде бир катар дипломаттык кызматтарды аркалаган;
1996-1998-жылдары Тышкы иштер министрлигинин Азия жана Африкадагы башкармалыгынын жетекчиси;
1998-2000-жылдары Кыргыз өлкөсүнүн Кытайдагы элчилигинде кеңешчи;
2001-2003-жылдары Тышкы иштер министрлигинин Азия жана Африкадагы башкармалыгынын жетекчиси;
2003-2004-жылдары тышкы иштер министринин орун басары;
2004-2006-жылдары Шанхай кызматташтык уюмунун Пекин шаарындагы аткаруучу секретарынын орун басары;
2006-2007-жылдары Тышкы иштер министрлигинин эл аралык экономикалык кызматташтык департаментинин директору, өзгөчө тапшырмадагы элчи;
2007-2009-жылдары Кыргыз өлкөсүнүн Малайзиядагы элчиси;
2009-2013-жылдары Кыргыз өлкөсүнүн Кытайдагы элчиси;
2010-2013-жылдары Кыргыз өлкөсүнүн Сингапур жана Монголиядагы элчиси ;
2013-2016-жылдары Тышкы иштер министрлигинин Азия жана Африкадагы департаментинин директору;
2016-2018-жылдары Тышкы иштер министрлигинин 4 саясий департаментинин директору;
2018-2021-жылдары Кыргыз өлкөсүнүн Казакстандагы элчиси;
2021-2022- жылдары президенттин администрациясынын тышкы саясат бөлүмүнүн башчысы.
