Кыргызстанда Курман айт майрамы 31-июлда белгиленет. Бул күнү колунда бар адамдар курмандык чалып, муктаждарга таратуусу керек.

Мусулмандардын дин башкармалыгынын билдирүүсүнө ылайык, курмандыкка бодо малдар тактап айтканда төө, уй жана койлор жарайт. Жапайы кийик, аркар-кулжа жана элик сыяктуулар курмандыкка жарабайт. Ошондой эле жылкы да курмандыкка чалынбайт.

Уйлардын катарына топоз, койлордун катарына эчки кирет. Төөнүн жашы беш жаштан өйдө болушу керек. Уйлар эки жаштан ашыш керек. Кой менен эчки бир жаштан өйдө болуусу керек. Эгер койдун козусу олбурлуу болсо алты айлыктан жогоруусу жарайт.