Улуттук коопсуздук боюнча мамлекеттик комитети Каракол шаарындагы күрөөканалардын ишин текшерип, 16сынын ишмердүүлүгүн токтотту.

Атайын кызмат, шаардагы айрым күрөөканалар мыйзамдын талаптарын бузгандыгы аныкталган. Алар күрөө катары жарандык паспортторду, туулгандыгы тууралуу күбөлүктөрдү жана жеке менчик укугу жөнүндө мамлекеттик актыларды кабыл алып келишкен.

Көрүлгөн чаралардын жыйынтыгында 16 күрөөканага мөөр басылып, ишмердүүлүгү токтотулду. Калган субъекттерге карата текшерүү иштери уланууда.

Ошондой эле «Сүткорлук иш-аракетин чектөө жөнүндө» мыйзамдын негизинде белгиленген пайыздык чендер 30%дан ашпашы керектиги боюнча күрөөкана ээлерине түшүндүрүү иштери жүргүзүлдү.