Бүгүн, 9-октябрда, түнкүсүн республиканын бардык аймактарында жаан-чачын күтүлбөйт. Күндүз Ош, Жалал-Абад, Баткен, Ысык-Көл жана Нарын облустарынын айрым жерлеринде, ошондой эле Чүй облусунун тоолуу райондорунда жамгыр жаайт. Бийик тоолуу аймактарда кар жаашы күтүлөт. Чүй облусунун өрөөндөрүндө жана Талас облусунда жаан-чачын болбойт. Батыштан соккон шамалдын ылдамдыгы секундасына 4–9 метрди түзөт. Күндүз Ысык-Көл жана Нарын облустарынын айрым жерлеринде шамалдын ылдамдыгы секундасына 15–20 метрге чейин жетет. Бул тууралуу Кыргызгидромет маалымдады.

• Чүй облусунда: түнкүсүн 4…9°C, күндүз 17…22°C;
• Талас облусунда: түнкүсүн 3…8°C, күндүз 15…20°C;
• Ош облусунда: түнкүсүн 9…14°C, күндүз 20…25°C;
• Жалал-Абад облусунда: түнкүсүн 9…14°C, күндүз 20…25°C;
• Баткен облусунда: түнкүсүн 8…13°C, күндүз 19…24°C;
• Ысык-Көл облусунда: түнкүсүн 3…8°C, күндүз 14…19°C;
• Нарын облусунда: түнкүсүн 2…7°C, күндүз 15…20°C;
• Бишкек шаарында: абанын температурасы түнкүсүн 7…9°C, күндүз 19…21°C болот. Жаан-чачын күтүлбөйт;
• Чолпон-Ата шаарында: абанын температурасы түнкүсүн 6…8°C, күндүз 17…19°C болот. Күндүз жамгыр жаашы мүмкүн.