logo
press@reporter.kg
  • facebook
  • odnoklassniki
  • twitter
  • instagram
  • telegram

Кылмышкердин тузагына тогуз окуучу кыз түшкөн. Жалал-Абадда сөйкө ууру кармалды — сүрөт

Кылмышкердин тузагына тогуз окуучу кыз түшкөн. Жалал-Абадда сөйкө ууру кармалды — сүрөт

Ноокенде өспүрүм кыздарын сөйкөсүн чечип кетип жүргөн жаран кармалды. Бул тууралуу Жалал-Абад облусунун Ички иштер башкармалыгынан билдиришти.

Ноокен райондук ички иштер бөлүмүнө Кочкор-Ата шаарынын 31 жаштагы тургуну арыз менен кайрылган. Ал өз арызында 19-майла 11 жаштагы кызы мектептен үйүнө бараткан учурда, азиат келбетиндеги 30-35 чамасында болгон белгисиз киши, алдоо жолу менен кулагындагы 12 миң сомдук сөйкөсүн чечип алып кетип калганын билдирген.

Бул факт 201-берене (Тоноо) менен катталып, сотко чейинки өндүрүш ачылган.

Ыкчам-иликтөө иштеринин натыйжасында, мурда бир нече ирет соттолгон Базар-Коргон районунун тургуну 40 жаштагы М.У. кармалган. Бул аталган жарандын башка дагы кылмыштарга тиешеси бар экени аныкталды. Анын ичинде Ноокен районунун аймагында 4, Сузакта 2, Өзгөн районунда 2 жаш өспүрүм кыздардын алтын сөйкөлөрүн чечип алып изин жашырып кеткендиги боюнча маалыматтар алынган.

25-майда шектүү 98-берененин негизинде 48 саатка Ноокен РИИБдин убактылуу кармоочу жайына киргизилген. Учурда анын башка кылмыш иштери боюнча териштирүү иштери жүргүзүлүүдө.

Поделиться в социальных сетях:

Тема боюнча жаңылыктар

Бардык жаңылыктар >>