Президент Садыр Жапаров Европа реконструкциялоо жана өнүктүрүү банкы (ЕРӨБ) менен түзүлгөн кредиттик жана гранттык макулдашууну ратификациялоо жөнүндө мыйзамга кол койду. Макулдашууга 2024-жылдын 19-ноябрында Бишкек шаарында кол коюлган.

Бул документ Кыргызстандын суу чарба тармагынын туруктуулугун жогорулатууга багытталган. Программанын алкагында Шопоков, Талас (экинчи фаза) жана Кемин шаарларында үч пилоттук долбоор ишке ашырылат.

ЕРӨБ тарабынан берилчү каржылоо кредиттик каражаттарды жана банктын атайын фондунан инвестициялык грантты камтыйт. Каражаттар суу менен камсыздоо системаларын жаңыртууга жана кеңейтүүгө жумшалат.