Башкы прокурор Максат Асаналиев Кыргызстанга иш сапары менен келген КМШга мүчө мамлекеттердин Башкы прокурорлорунун координациялык кеңешинин аткаруучу катчысы Юрий Жданов менен жолугушуу өткөрдү. Бул тууралуу Башкы прокуратура кабарлады.

Маалыматка ылайык, тараптар КМШга мүчө мамлекеттердин прокуратура органдарынын ортосундагы тажрыйбаларды бөлүшүү, эксперттик диалогду кеңейтүү, эл аралык укуктук кызматташтыкты координациялоону өркүндөтүү жана прокурордук кадрларды кесиптик даярдоо маселелерин талкуулашты.

Жолугушуунун жыйынтыгында бардык КМШ өлкөлөрүнүн кызыкчылыгы үчүн коопсуздукту жана мыйзамдуулукту камсыздоодо тыгыз өз ара иш алып баруунун маанилүүлүгү баса белгиленди.